「只今、閱讀中」係我想寫了好耐的一個環節，寫的就係我讀的。有看我寫的「大雄的話」，應該三不五時見我又寫寫買了咩書，又睇了咩書，但好像書評欠奉，於是決定開這個新環節。
今日又剛好係報紙見到有個活動，話第一位係1位5歲小朋友，一年睇了3000幾平書，距離第2位一個12歲小朋友，只看了2900本書。忽然心算一下，究竟我一年睇了幾多書，藏書又有多少。睇書，唔計返學要睇的叫做課本的悶東西，睇漫畫、消閒書，我相信這麼多年來(比那個第一位的小朋友差不多老了六倍的年歲，如果都仲係睇得10本8本就真係弊家了喇！)點都有過千本喇；而藏書方面，如計算新居和仲寄居於舊居的舊書，我想都應有第1位小朋友一年份的書吧！
回到正題╴係寫正在睇又或已經睇左o既書前，我選擇先講一講陪得我睇書睇得最多的一樣東西，就係書簽喇！近十多年(又或是已經20年)，我經常用一張在80年代買的日文動漫雜誌德間書店出版的「ANIMAGE BUNKO」附送的風之谷cute版公仔的書簽。一簽兩面，記得當時除了書簽，還有海報、貼紙、文件夾等附送，不過到了90年代，出左黎做野，又到了日劇潮的時代，已經無再買日文的動漫雜誌了。
不知道大家又用咩書簽呢？有無好似我咁用了一張書簽10幾20年呢？查實有時一次睇幾本書，我都會用下買書時張單、又或隨手拿來的咭片又或年曆咭就臨時的書簽。但說到底，我一定唔會摺書角當做記認，所以我本本書到而家都好直版架！
2005.9.12
第二章
- 《日本田舍散步紀行》/林慧美著/知出版
終於為新環節寫第二章，亦係第一本要講的書。這是作者林慧美的其中一本著作，同期另一本係《激安遊東京》 。而今次介紹的係作者一個女子揹個背囊在2004年10月20日出發的五天中山道中幾個古僕宿場的"隨意"自由行遊記。
我看這本書的原因是因為是香港人寫的日本遊記，能編印成書在港出版，我佩服，所以買(但不是第一次見到就即買，因為第一次是在七月書展時，就在作者本人的面前第一次見到這本書的)。其實在之前亦有香港人寫的日本遊記，看過的就有李國儀的《339戀戀北海道》(阿湯出版)，但以遊記式寫成的，印象中就只此兩本，其他如《東京彩虹橋》(馮寶華著)、《無茶苦茶》(麥燕雯著)、《相約在東瀛》(關麗珊著)和為台灣的太雅生活寫了好幾本的魏國安等，不是遊記，而是札記、散文，又或是導遊書。台灣方面，其實有很多日本遊記式的書刊行(包括翻譯)，但香港不知是文化不同，還是市場問題，這類書的確很少，所以在網上推廣寫遊記已久的我，誠意推介！
最後，寫一下何謂"中山道"，它就是德川家康開創江戶時代起，一統陸上交通時而成的"五街道"中之一，仲有搭過新幹線的人會識的"東海道"，另外仲有"甲州街道"、"奧州街道"和"日光街道"，而到了家綱時代就成形為當時陸上的主要幹道。有名的"中山道"景點，包括有馬籠、妻籠及木曾等。
參考網頁：wikipedia、中山道情報
途中閱讀中：《空想科學讀本2》/柳田理科雄著/談璞譯/遠流出版
睡前閱讀中：《菊與刀》/潘乃德著/商務印書館出版
新入手：《東京上流》/新井一二三著/大田出版、《千年京都-陰陽師與平安朝之旅》/櫻井青著/西遊記出版、《京都之走法》/王常怡著/宏碩文化出版
2005.10.5