「第10次日遊聚會」花絮

於2005年6月18日舉行的「第10次日遊聚會」已完滿結束,是次共有48位網友出席。聚會於中環皇太子日式西餐廳 (前往方法)舉行,時間由下午3時開始直至10時許才結束。

幸得早到場的一班靚女幫手,唔係就亂龍浴衣大體驗counter打入冷宮的萬博相談

期間,恆例的睇旅遊書、睇相簿、傾計活動自由進行,同場有小妹的浴衣大體驗活動,由小妹帶來私伙浴衣供試著體驗。同場,仲有candyman帶來私伙一套,最後兩浴衣同場展美。

大會"惡fit so 磨爹lu"abby,小妹親手出埸(認住呢對手,好少出場架!)candyman自攜私伙,一樣咁靚呢位做埋d不倫不類動作,有d褻瀆左件浴衣喎!母子對話「呂總!唔係媽咪行開一陣去玩都唔得呀!」「唔係呀,媽咪好靚呀!」(設計對白)

另一邊廂,原有安排旅遊大使Roy為各位來個萬博相談,但由於事忙,又因大使主持迎賓及收數工作,最後萬博相談無疾而終。

約下午4時參加的網友陸續增多,座位開始擠逼,但坐得埋d傾多兩句,好快就會熟絡架喇!同時,「日遊之最相片」的投選活動亦同步進行。

呢個就係知客枱喇,點解我會坐左係度?原來大使去左廁所。靚姐姐測驗1:呂總:「爸爸,我想吹個口哨呀!」靚姐姐測驗2:呂總:「爸爸,你睇下我個樣!」

到下午5點45分左右,到場的網友已分成8隊隊伍,又合力將枱椅變陣後,準備開始「第5屆日遊問答比賽」。是次隊伍的組合已由工作人員盡量公平、公道、公正地分配,及列入以溫泉為主題的隊伍內,分別有:

北海道 登別溫泉隊 - travelpooh、salary、joyce、katherine & vera
東北 乳頭湯溫泉隊 - llps、勇者仁傑、小魔女歌莉、abby & 大石
近畿 城崎溫泉隊 - vicky、sam、isa、阿詩 & 8c9
關東 草津溫泉隊 - 泰利、阿明、阿珊、copper & rum
中部 下呂溫泉隊 - vee、supageti、andy、小妹、wendy & goffy
中國 玉造溫泉隊 - 小精靈、紫米、roy、winnie & 好朋友
四國 道後溫泉隊 - 大胃、candyman、東哥、fishball & 瑪姬
九州 別府溫泉隊 - billy、billy嫂、nobori、franky & polly

經過初賽,卒之有兩隊從20問中答中17題及兩隊答中16題出線,包括:東北 乳頭湯溫泉隊 、關東 草津溫泉隊、中國 玉造溫泉隊 及 九州 別府溫泉隊。

玩完又係時候執執枱,執完等一等,6時30分,自助餐開始!由於父親節前夕的關係,餐廳竟然坐到滿,大家分頭搏鬥,到7時幾已由"搏鬥模式"進入"回氣模式"。係呢個時候,進行了一輪認人手續,等大家打個照面,免得出街撞親大打出手。然後由我大雄講解一下今次紀念品「日遊三寶」的製作及用法,並利用群眾力量請出設計師andy上台亮相。仲有就係由四位唔知邊間核數師行派來的代表進行今次「日遊之最相片」的點票及撕票工作(因為要撕開黎遲下作抽獎用)。

一輪點票後,「日遊之最相片」的三個類別,即(1)最美景、(2)最美食及(3)最攪野三個獎的得主,就係:

(1) 最美景 - vicky的奧入瀨溪流 -  (得票:19票 / 第二位:franky - 白川鄉 8票)

(2) 最美食 - polly的哈爾移動城堡 (得票:13票 / 第二位:vicky - 魚生飯 11票)

(3) 最攪野 - candyman的BB姬路城學爬行 (得票:15票 / 第二位:winnie - 大阪千日前道具街貪睡貓兒 9票)

6月18日亦為travellife.org的網主billy的生日,於是由旅遊大使送上精美芒果蛋糕一"件",及由餐廳經理送出紅封包一個(唔知咩餡)同埋香檳一枝慶祝。同時亦由大家唱出生日歌一曲以作祝賀。

執位時間,大家企哂係度呢隊搵人睇實佢,成日出貓架!呢班拆家,正在做緊食物分拆交易,拉佢o者!某核數師行派出四位代表進行相片活動點票billy牛一,唯大使拒絕獻吻,只送上芒果蛋糕一"件"「我有私家野飲架!」歷次聚會最年輕參加者未來CEO呂總如是說

一輪功夫後,又係時候玩決賽!「第5屆日遊問題比賽」進行!12問中,結果係叮噹馬頭,最後是以答中6題的關東 草津溫泉隊及九州 別府溫泉隊得第3名,答中7題的東北 乳頭湯溫泉隊得第2名,而優勝隊係由小精靈、紫米、roy、winnie & 好朋友組成的中國 玉造溫泉隊奪得。

咁多禮物,領哂獎都仲有剩,梗係抽埋佢,大家開心嘛!中國 玉造溫泉隊全員正經大合照,呢,後班右3咪係阿邊個囉!左2行第個又咪係阿邊個囉!

主要活動完成後,自助餐方面,大家已進入"甜品模式",於是順手舉行「日遊之最相片」投選的3個類別得主的頒獎,及由3位得主從支持投選她(剛好三位都係女的)的選票中抽出一位支持者獲得獎品一份。繼而由「第5屆日遊問答比賽」優勝隊成員出來領獎,而餘下的獎品就利用抽選方式全部送出。

攪掂之後又要變陣將枱椅移動,因為到了恆例的大合照時間,老爺奶奶、叔伯兄弟、孫仔孫女各自就位,影過正經後再黎多張攪鬼先o既,聚會大致完結。部份網友先行離開,部份繼續睇相睇書,傾計唔使錢,一直到10點零才正式撤離餐廳。

講還講,咪好似打交咁架!睇下阿rum,已經整定起手式,邊個出手佢就截住佢架喇!

上面幾位唔好扎馬住,仲有「第10次日遊聚會」吉祥物製作、「日遊三寶」簡介 同埋精美參加者名牌呀! GO 另外仲有「第5屆日遊問題比賽」重溫添! GO

 

禮物一大堆(左下角卷膠紙唔係)今次聚會又有一埋大禮品贊助,就此鳴謝:

Priceline送出精美旅行袋10個

Roy、franky、supageti、travelpooh、小瑪姬及大雄等各自送出多份精美禮品

另外,就係designer andy和abby,及一眾山寨廠民工 ,場地搜查專員小妹及試食部隊成員roy、andy及小妹

特別鳴謝各位出席聚會的網友及餐廳蕭經理送出紅包及香檳祝賀billy生日