舊日的足跡...

二千零二年九月

 

日期
心情,事件

30/09/2002

 (星期一)

又到月尾,真係眨眼都無咁快呀∼∼

昨天是大雄的日本世界第六次聚會,總共有四十人參加,場面真的很熱鬧,今次還有特別嘉賓,請來來香港旅行的日本人知子,她的廣東話不錯呢∼ 

還有,要多謝wahwa送結我的hello kitty公仔,很可愛呢∼

明天是十月一日國慶呢,不知大家有無特別感覺呢∼

24/09/2002

 (星期二)

很快便過了中秋節假期了,不知道大家假期玩得開心嗎?

我中秋節那天去了新屋會所舉辦的中秋節晚會,晚會中,有很多不同的攤位,也有職員扮演嫦娥呢;相信,最開心的都是小朋友了,場中有一個彈弓床,很多小朋友排隊玩,他們玩得開心,他們的父母也看得開心呢∼

追月那晚,我們去了大坑睇舞火龍,在正式舞火龍前,有三十至四五分鐘儀式,大坑村的村民請了很多警司級的人物來做這些儀式,我們這些市民及一些遊客便呆呆的等了他們一段長時間,最令人氣結的是,我們已經有很多人圍在欄杆外,但欄杆內卻有很多警察、警司、工作人員及他們的攝影師,我們根本很難影到相,要影龍頭的真面目真難,只可以影到那些人的身體呢!

終於等到儀式完畢後,工作人員立刻走上龍頭拔走剛剛警司們插的東西,然後他們便很快的由四方八面走上前插上香燭;突然大坑街燈一熄,大家都也感到很興奮,火龍終於出動,在大街中舞動,很是美麗,那一刻覺得等一段時間也是值得的。

經與朋友討論後,我們決定十月廿九日跟團去黃山五天團!又可以去玩啦^^

18/09/2002

 (星期三)

昨天是第二次聚會的大日子,雖然下著大雨,但我地幾個都好開心咁出黎一齊食野傾計。Funny為我地book左文化中心某餐廳吃自助餐,雖然餐廳座位既安排欠缺妥善,但也不會影響我地既心情;大家講番留言板所提既話題,而最開心就係見到Sylvia佢地整既〔情陷尼泊爾〕遊記,一見到本遊記我就很驚訝,一本很完整既遊記,還訂裝得很精美,入面既相片、編排、內容實在令我佩服,正!我真係好想要一本呀∼∼

大家談天說地,有說Sylvia喜歡既MAC機,也有說關於數碼相機,還有旅行...很多很多話題,很開心呀,唔知大家有無我呢個感覺。

還有,在聚會我收到兩份龜龜禮物,及大雄送給我既救護車、護士既公仔,很可愛,很得意..唔知,將來我會唔會收集唔同既護士公仔呢..呢個都係一個好提議∼

13/09/2002

 (星期五)

今天是黑色星期五^^

昨天開夜,過了一個很平靜的晚上。

今天想與大家分享一本書,書名為〔阿布的故事〕,這是一個真實的故事,阿布是一位患有癌症的女病人,廿歲便未婚產子,其女是有唐氏綜合症,但阿布不離不棄,身兼父職照顧女先-愉愉;不過世事很難料,在生活有好轉的時候,阿布便証實患上癌症,幸好身邊有一班好友,亦有一位愛她的男友-達達;在此,希望阿布能夠繼續堅持,生活得開心愉快。

送上他們的網頁:阿布的故事

09/09/2002

 (星期一)

最近醫院派我與另外一位同事去讀關於〔善終〕的課程,我覺得都很有用處,因為在此課程頗著重溝通的技巧,而這種技巧唔單止可以對臨終既病人及其家人,也可以對普通病人,甚至自己的家人、親人及朋友呢。

近來正看〔悲劇.悲香港〕,作者張志剛,書中作者有很多睇法對我來說都頗新;而書既內容都係講下香港九七年前同年後政策、政府既改變,他所說既改變不會只說現在政府的不是,會用他的分析去看前後既不同,及說回以往各大報紙對一些政策的反應等等,大家有興趣也值得看看。

06/09/2002

 (星期五)

今天放假,好舒適咁o係屋企度過;今日睇新聞,見到今日既能見度好低,唔知有無人今日有去影下相,我諗真係乜都睇唔到,好模呀∼重有,污染指數亦相當高,政府呼籲如無必要唔好出街,尤其係患有氣管病既人...但係,今日係星期五,好多人都要返工返學,又點唔會出街啦∼唔通以後出街真係要帶口罩?!

近來有同事問點解我近期無乜update,哦,大家真係請見諒,主要原因係時間係少左,重有無乜心機update,因為無乜素材,大家有無乜野新意,或者我幫你地整出黎呀∼不過都要睇下有無時間先喎,呵呵。

重有好多野做,除左自己要做既功課外,我重要做工作上既野同埋醫院委派我讀書既功課...真係擔心自己應付唔黎呀∼∼ 努力∼∼

雖然細妹重未搵到工,不過見到佢都唔係咁灰心,除積極搵工之外,佢都陪下媽咪去街,今日佢地去左電影資料博物館,話時話,我自己都未去過,唔知大家有無去過呢?

04/09/2002

 (星期三)

雖然搬屋了兩個多月,但係媽咪重唔係咁習慣,有時真係唔明,係佢唔鍾意,定係真係唔慣,佢而家可以幾日唔返新屋,或者,舊屋實在有好多野佢會留戀吧,不過,最緊要佢自己開心呢∼

01/09/2002

 (星期日)

轉眼間,學生又要上學了,係唔係覺得好唔捨得呢個暑假呢?暑假內,你地又做左d乜野呢?

前兩天去了探朋友既仔仔,已經五個半月啦,好可愛呢,個BB好健康,相信,佢好快就可以行路、講野,實在太得意呢。

打算十月尾十一頭去黃山旅行,大家有無去過?比d意見我呀∼ 現在仍然未知是跟團還是自助行,相信即使是自己去都不會很困難,黃山已經係一個很成熟既旅遊景點,有著很多充足既配套,不過,我還是要跟大隊呢,總之可以出外旅遊休息下,我已經很滿足了,回來還可以寫遊記呢∼∼