大雄的話

早前瑪姬個honey勒死你係佢個de sin la blog寫了一篇「令人懷念的畫面」，那裡有他用過的mac os畫面。他的是designer版本，今次等我黎整個word processing版。

話說先一星期公司鑑於續保養貴過買機為由，換了部電腦(齋body)過我，因為多野做卒之分左好多日將d積累了10幾年的data安全地轉帳過新機。攪好新機，到剷舊機野喇，比我搵到隻90年代裝落的dos版的wordperfect係度，係臨別之際(都係剷走佢o者)，拿起PPC同佢影了幾個screen懷緬一番。

想當年(90年)入行時，流行的是word star(反而我無咩用過)，但公司用的是multi-mate(應該絕版了)。後來到現在的公司，用的是wordperfect dos版。之後升級電腦後，換成了windows版的ver. 8(自費購入)，同期公司供給的是office 97，一路用到今次換機，再升級到office 2000 (雖然仍比市場落後，但我還是覺得97比2000好用，起碼係現今的硬件配搭下夠快嘛！)。

仲有，就係係email堆中，一個接近最舊的email係2003年3月28日收到的，唔知大家仲有無印像呢？至於內容的真假，我不記得了，只記得那年沙士令香港和香港人改變了很多。今年換成了流感，還有幾個小朋友因病去世，不知大家在另一個災危中，又如何渡過呢？

大雄
2008.3.18

考一下大家的眼力..............相中有多少隻蝦仔呢？2隻？前景的是藍蝦，在氣泵的不知叫甚麼蝦，還有呢？答案見文末。

早前小魚缸大災難，逼不得已全面換水，攪到60幾條黑摩利仔死剩1條。經搬遷回大魚缸內的養育缸，本來孤獨的1條，而家又多50幾條小魚仔陪伴了！主要係由2月1日起，分了3批出世的魚仔，而家環境突然又擠逼起上黎，但小魚缸而家養了蝦仔，如果將魚仔放返落去會唔會打交呢？

睇清楚個小魚缸未？o拿，就係氣喉位置喇，我初頭都唔知咩黎，睇睇下個形咁似o既！噢，係d約1mmx2-3mm大小的蝦bb呀，第一次見到，暫時發現過3隻，唔知會唔會多d呢？不過隨著天氣熱，蝦很易瓜的，希望佢地都快高長大吧！

大雄
2008.3.17

好耐無update，特別係「大雄的話」，事關好多時都係忙到「無話可說」。今日難得早起，於是帶了溍溍回沙田女麻女麻家。前排凍了咁多日，而家終於有日唔係咁凍，仲左好好陽光兼回升到20零度，認真good fit！搬離了屋邨幾年，今日的天氣為很久才回娘家一次的我，帶來了親切的感覺！掛衫掛到咁，又唔會比隔離鄰舍話的，相信只有屋邨才有吧！

有溍溍的日子，已經過了3個月，好多野都算係習慣左。之不過小朋友發展一日千里，剛剛過了3個月的溍溍，已經成日流口水，好在唔係流到alien咁，此外仲成日o依o依呀呀講野，變成一個正宗的口水佬了！

至於睇書方面，本來睇緊新井的《我這一代東京人》，但因某些原因，買了《我的低能之道》及《我的低能之道2》。由於後兩者看圖識字，係好攰的車程中還可輕鬆看完，於是先看了這兩本。2日的車程就睇完了，幾好笑，難怪它能賣得很多版。至於書評，暫時沒空寫了！

大雄
2008.3.2

2008年1月15日，停一停，諗一諗......唔..唔...不知甚麼大日子，只是突然想起今天倒數的11年前，「大雄的閒人世界」第一次在網絡上出現，亦即是我原來已揼網11年了。

沒甚麼大不了，不過坐下來想想，為了一眾網友的設想，一於就今天將擬似導致有擾人的popup ad.彈出的web counter和天天被炸的留言板來個了斷，就係決定"啄"o左呢兩樣野佢！於是今晚就派出小凱溍喬裝出動，快快攪掂佢！

順道總結一下，根據那個web counter的記錄，自2001年8月16日起使用那個web counter，至今日分手共錄得636,249個page views，訪客來自世界各地的呢！而平均每日也有100clicks的。

至於留言板，使用多年，現在共有57頁留言，而能夠看到的最早一則為2002年9月15日由一位網友Irene提出的：「想十月去大阪,請問一下板上有沒有朋友可以介紹一下大阪的民宿~~謝謝」。不知5年前的Irene有否出了大阪住民宿呢？

在取消留言版後，如各位網友有查詢，請給我電郵吧！

完成這次改動後，暫時要抽些時間進行凱溍的blog的揼blog工程，因為實在分身不暇啦！

大雄
2008.1.15

新年快樂！2007年出世的我，才剛慶祝完滿月，轉眼幾天又來慶祝新年了！在此祝各位在豬年出世的bb，雅欣姐姐、希朗哥哥、韋仁弟弟(暫名)、新源哥哥的弟弟、浩泓哥哥、樓上樓下如Yatwai叔叔的囡囡及Larry叔叔的囝囝，仲在這幾天或快將出世的Keith叔叔的囝囝、Warrick哥哥的弟弟、輝叔叔個囝囝、萊叔叔個囝囝等，豬仔豬女們一起加油啊！

爸爸剛幫我起了個blog，歡迎參觀：

因為這裡還是留給爸爸用，這裡可是大雄的話啊！

小凱溍
2008.1.1

比小凱溍寫完，返黎大雄的話吧！要寫咩好呢？新年快樂啦！要照顧小凱溍，很忙，放假都無時停，本來想帶佢去街街(除了去健康院和吃了餐滿月酒，還未正式去街啊)，但剛好又天氣極涼，所以還是在家中吧！

要煮飯了，得閒諗諗點改動下個網先得！

大雄
2008.1.1