|
||
|
網絡的盛行，在搜尋器上隨意打入"殯儀"或"葬禮"，閒閒地都有過萬的搜尋結果，除去那些包含在鬼故事內的搜尋結果，殯儀服務業查實也很網絡化了。不知有沒有一家是像酒店訂房又或網上買機票的那樣，click、click、click，選好package，再附加個信用咭號碼(別忘了填信用咭有效期)，"send"，就會有個email confirmation回來確認服務已被接納，唯一不同的，可能是"出發日期"一欄會留空吧。要取消或更改服務，再次login click它幾click就可以修改，取消亦然。既然已能做到網上預訂package，那"離境大堂"又可否有"網結接駁可能"，wi-fi也不錯。相片換了數碼相架，可多看幾張相，免得有時拍得不好的那張相也被逼放足一夜，那"送機"的親朋，就可以多按幾下mouse，多看準備出發的"旅人"幾眼。播片也不錯，早前名人、藝人"出發"，也有人會為他/她剪輯些片段或MTV在"離境大堂"播放，現在手機拍攝如此方便，巴士阿叔、上環扑頭賊阿叔都可以被隨見隨拍，未"出發"前先拍段mpeg4格式片段，不用找隊crew來，簡單容易得自拍也可以。mpeg4勝在檔案體積小，有帶手機、PDA或PPC的親朋，download埋帶走閒時翻看也可以，又或燒成DVD，無手機的親朋，就拿隻回家用DVD機看吧！DVD成本每隻反正只是幾蚊。紙紮品方面，PSP、notebook和desktop也見過，但為何沒有boardband modem又或wireless land router，那有機又如何上網呢？錢方面也是啊，甚麼銀行發行的也有，信用咭、銀行存摺也見過，但有沒有網上銀行的呢？有notebook或desktop，登入網上銀行，就不用拿著一大疊的現錢啦！ 說了一堆我對葬禮現代化的妄想(？)，事源今晚剛出席了姨婆的葬禮，享年101歲的她，是我89歲祖母的家姐，3星期前仍是祖母唯一還在世的家姐。姨婆走得安詳，只是晚年曾中風導致失語症，突然只能說出小時說的順德話，廣東話到唇邊但怎也不能表達出來。後來再次中風，已經不能清晰地表達意思，但仍能說出"得得得"、"好呀、好呀"的語句，但從表情看得出她確實地在訴說事情。近年因身體狀況日差，經常在安老院和醫院間進出，但走的一刻安詳，相信是從1908年出生走到2006年的人生沒有遺憾吧！看靈堂內張貼的資料，姨婆死後歸於佛道，可喜也。 p.s. 若然大清早你看到這期的大雄的話令你覺得大吉利是的話，百無禁忌呀！離開亦即是一個開始，人生在世就是這一個過程，何需忌諱呢？
大雄 |
||
|
賞櫻之旅回來已超過1個月，曾同遊一天的隔離台亦推出了賞櫻遊記，不過我今次已同步完成速報版遊記，所以成個月懶懶閒除了整左個banner外，依然一隻字都無寫過，反而趁工作空間，已挑選好2004年蜜月遊記餘下行程的相片，但執相放到遊記裡的工作還未有mood去進行。 最近比較多睇戲，新戲如《達文西密碼》，隔離台都睇左喇。個人意見係一看無妨，以戲論戲，d謎題都唔算難明，只係最後走個A for apple來仲要黎一招回歸原點就正係答案所在，有d搵左老襯感覺！ 仲有睇左買左好耐的日文版《跳躍大搜查線The Movie 2》DVD(只係28蚊)，織田裕二+深津繪里，可惜和久叔已過身，就算再拍新一輯都唔會再有一樣的班底。故事方面不算特別，不過富士電視台那種不著跡的將商品放到電影及將電影內物品商品化，相對香港的「唔使錢電視」著跡的hard sell sponsor商品，應該多加參考。此外，仲有睇左借來的《御法度》VCD，北野武、武田真治、松田龍平等合演，雖然係得獎戲，又加上之前對故事的背景和人物即新選組有認識，但斷背戲，唔多o岩我睇。可觀度而言，睇第一隻碟已經訓左，第二隻碟係半年有多後先拎出黎睇埋o既。再來又係要分段睇的一齣新戲舊作《鐵人28》VCD，阿部寬加藥師丸博子，CG有睇頭、劇情好普通、畫面好重覆，第一隻碟又係睇到訓左，第二隻碟好似都相隔左成個月先睇。而《幪面超人The First》，在故事、選男角以至於造型上都ok，不過選女角方面就同洋人那齣《蜘蛛俠》一樣，換個好樣dd得唔得？最後，仲睇左《戰國自衛隊1549》，江口洋介與鈴木京香，自衛隊走到戰國時代，一身古裝拎住枝M16，型到痺！不過，如對戰國史實和人物少點認識，真係會睇漏好多o野，變成只係一齣日本古裝war game片。 以上內容係兩星期前寫的，而家再寫d update料。呢一個月睇關於HKSRS演唱會取消的網頁、新聞組、blog、留言以至新聞，簡直好睇過親情，一個商業活動弄得如斯地步，只能奉勸一句，各位大個左o既小朋友，唔好仲以為大家仲係睇緊無敵鐵金剛Z o既年紀，就算有d野係未解決，都可以樂觀地處理o既！你睇，阿叔林尚義都可以拍返段巴士廣告片，所以無咩事係好介懷呢？而黎緊的6月17、18日係會展有國際旅遊展，友站travellife亦有攤位又有網友們編集成書的歐洲遊記出版，大家不妨去多多支持。而一班身邊的網友亦準備籌劃新的聚會，但詳情要相議後才能公佈。 另外，貓骨走左佬，丟下發霉網頁一個，走左個去開blog，有興趣的朋友請去睇睇(但留言要先登記yahoo blog，所以我到而家都未留過一個言，正所謂「我有網頁，你有網誌，點解要挑釁我呀？」)
大雄 |
||
|
|
||
|
72小時前，還是身處上野的ABAB內的Uniqlo作最後購物大作戰，時間過的真快，轉頭又係放假後的第3日返工了。 今次11日的行程，真係好多新體驗，好似從未試過和三組朋友在三個不同日子在日本短聚同遊；第一次的櫻花花見，還有點梅花(在兼六園內)；第一次的雪見，雖不是大雪而是飄雪，在1345.6米高的野邊山感受，真的不同凡響；而行程中很多地方都係第一次去，新鮮度十足；回程期間個人負載超過自身體重25個巴仙以上的行李，到現在返工揹個背囊都覺輕盈萬分...... 不過剛回來的第二天就返工，早上難得的早起，可能因為習慣了日本的時間和旅途上都是一直早起身(一般七、八點就起身，香港時間嘛，才六、七點，真係返工都無咁早)；落到地鐵站，還是自動自覺地左企右行；地鐵途中，還在神遊於東京的中央線東京站到御茶之水之間，因正在看新井一二三的《東京迷上車-從橙色中央線出發》；回家後聽的是在星星堂的洋樂專櫃找到的日文歌single(《一公升的眼淚》主題歌"Only Human"是韓國歌手K所唱的日文歌)；還有在看報紙的同時，電視在播放DVD的《完全保存版 - 列島縱斷 鐵道12000km之旅》，那個為多走里數，從秋葉原到東京的2km路，竟從秋葉原轉到千葉房總半島那邊繞了個圈再回到東京，結果是走了416km；仲有留戀未合時間以致未有一遊的櫪木縣足利市的Ashikaga Flower Park的藤花，只有在網上每日留意開花情況，還有那個每日開園前才決定的當日入園料金的變化；還有、還有，很想開那盒日版的大富翁來玩，買呀買呀，買左最貴的銀座4000萬yen，唔知包唔包居留權呢？...... 最不捨得的，因買了張14天的JR pass，回來後還有三天有效，72小時過去，她還是有效期內啊！多麼的不捨得，現在很想見妳啊！
大雄 |
||
|
差不多將網站變成一個懷舊網呢！繼寫童年拜年行程，到80年動畫Touch的回憶(剛巧早幾日生果日報又有篇文章，那個作者在引子部份又係話當年放學跑回家睇Touch，估不到運動動畫能真的帶動運動熱潮，就係放學跑返屋企睇電視)，今次突如其來的就寫寫《阿信》。 話說早前屋苑提供的衛星電視頻道，因為d收費電視台收購了某些頻道，攪到無端端無左兩個頻道台。剛巧今晚10點幾無記個節目"極度不吸引"，於是拿起個remote按下按下，本來是其中一個無左的頻道，出現左小時候的阿信映像，咦！阿信第一集！雖然那時節目已播了大半集，正講到阿信給送到木材店揍仔工作的一場戲，中間穿插年老的阿信再次來到故鄉的最上川來.....正巧我又剛打算將農曆年間曾到山形縣最上川和銀山溫泉等地方旅遊的同學給我的相片弄到美景共享喎！
到了90年代，《東京愛的故事》、《愛情白皮書》等一系列柴門文作者，還有《同一屋簷下》、《Long Vacation》、《Love Generation》等，都印象深刻。隨著經濟的發達，80年代的勵志日劇，在90年代已少見，因為渡過了黃金的80年代，人人都富起來，還有人會叫你去堅持努力渡過難關嗎？所以大都是些愛情片，努力向上嗎？No la！追女仔事大！
大雄 |
||
|
上次講左一大篇姨媽姑姐，應該悶死左唔少網友。不過，今次都係想講d悶親人o既野，如果你竟然覺得唔悶，咁你應該起碼係30代的朋友了！黎喇，Touch！ 不知道有無老人痴呆，時間好似係1986、87年咁上下(那位動漫前輩記得確實日期請指教)，Touch的動漫版在香港放映，那時我應該讀中四，放學後回家吃下午茶正好是動畫時間。翻查日本的記錄，Touch共101集播了兩年，香港嘛，通常是一星期5集，20個星期，即不出半年就攪掂。那時每日都盡量趕回家追看。漫畫版本共26本，當然亦睇哂，後來還買了隻Best Song Book的CD，到現在還經常拿來聽聽，岩崎良美主唱的《Touch》，到真人電影版還有加插入內(點解唔拎佢做主題曲又搵第二個唱)，而碟中大部份的歌都係由芹澤廣明作曲編曲，而由芹澤主唱的《你走了之後 - Don't pass me by -》，仲有The Alfee的《For The Brand New Dream》更是聽完又聽的曲目。 好可惜，26本的漫畫曾經借過比人，幾年後(！)還書時，全部甩皮甩骨，簡直令人傷心欲絕！到而家又唔可以買返一套新的，那一趟"不帶眼借書"，變成了終身遺憾之一。90年代，VCD興起，卒之買了套共4隻碟的台版VCD，那正是電視動畫版後的3齣電影版《沒有編號的皇牌》、《離別的禮物》和《你走了之後》，但這一套台版《鄰家女孩》將3齣電影版炒埋一碟cut頭cut尾，但總算聊勝於無。幾年之後，日本方面再次推出Touch的《大學編》和《逝去的風》劇場版，講的是大學時代和投入社會後的達也和南南。那兩套VCD我也買了。 最新入手的，是剛才看完的電影版DVD，由長澤正美、齊藤祥太和慶太主演，2小時內的劇情，大致算是符合原著，達也媽(風吹Jun)和原田(Rikiya)也演得不錯，但作捕手的孝太郎的角色和原著最不像樣。而劇情中如能加入魔鬼教練柏葉英二郎和南南參加體操比賽，那就更完美了！報導說，安達充的另一套漫畫《Rough》亦拍真人版，繼續是長澤當女主角，男主角是速水直道。之但係安達充次次的男女主角樣子都相像，點解唔搵返齊藤兄弟其中一人去演呢？還是因為他倆睇落似伊藤淳史(我覺得架！)伊藤係邊個，電車男囉！ 講起安達充的漫畫著實看得太多，不知道你又有否看過《NINE》、《陽光普照》、《ROUGH》、《美雪》、《SLOW STEP》..... 想多了解電影版，日本Yahoo有一個Touch電影版特集(內有少量動漫版的資料)，另外，在Wikipedia亦很容易找到安達充和Touch的詳細資料！咁，你今日touch左未呀？
大雄 |
||
|
近日天氣潮濕，成日都朦查查。好似先個星期去了會展飲喜酒，地點就在那個推門一出就係金紫荊廣場的會場，眼見剛好有幻彩詠香江表演，到埗後匆忙和親戚們打個照面就拖住年屆89的阿"女麻"出去睇表演，順道打算影 返幾張相，點知剛出到去那句"多謝觀賞"的廣播已經飄揚於維港兩岸，唯有搵個背景拍個照，免得白行。但濕濕朦朦，鏡頭之下的相片，當然是一片朦。 回到喜宴會場，輪到人際關係朦朧。小時，每逢大年初一，例必跟著阿"女麻"四出拜年，由銅鑼灣大坑的家出發，坐巴士先到香港仔石排灣邨的七叔公家，再坐巴士到中環轉隧巴到黃大仙(仍未有地鐵的年代)轉小巴/巴士到慈雲山邨八叔婆的家，再黎就係巴士到油塘高超道邨三伯父家，話說黎到 呢個行程最後一站必已是黃昏。要回到港島的家，經由油塘三家村的碼頭坐船到西灣河，再坐電車又或巴士又或小巴回家。由於這個每年的update，七叔公家，八叔婆家，三伯父家，還有那些四伯父、表伯、堂叔、 堂姑姐、堂兄等等，對於各個長輩總算有個印象。 綜合前述人物，根據三叔父在生時從祖宗的鄉下拎返黎的族譜，可追溯到曾祖樟鐸那裡數起，阿爺耀枝係第五個仔，七叔公是阿爺對落排第七的細佬，八叔婆就是第八個叔公的老婆。伯父、堂叔一輩嗎？就是伯公又或叔公的兒子 ，又每人起碼有4、5個仔女，而他們的仔女就是堂兄弟姐妹之輩，呢度又係各4、5個起碼。好了，算到這輩數上來幾十人，如是我細時佢地已經唔細，輩份稱呼外貌等等係我記憶中總算定了形，現在碰上，腦中搜尋一遍，還能辨識得出來。 但算到同輩的堂兄弟姐妹，哈哈，小時還會在長輩婚宴時係酒樓追追逐逐，但少聯絡，一轉眼又到大家到達適婚年齡的時候聚首一堂....吃過很油膩的美點雙輝過後，剛好碰上新郎哥的親姐，即是我的堂姐， 我問：「請問，今晚結婚的是我堂兄還是堂弟？」人情過左手，最希望知道邊個收禮吧！還有第五代，叫得我做堂叔的那一代.....放過我吧！存入記憶中的家族系譜 枝葉茂盛，memory over float喇！！ 講下另一個話題，最近又追看日劇，不知何解都係講絕症，「在世界中心呼喚愛」係白血病，和細個時睇的「赤的xx」一樣；另外正在看那個"脊髓小腦變性症"的日劇，而報紙又說日本新一季又有慘情絕症劇，例如「赤的奇蹟」(TBS)咁，咩咁多慘情戲呀？
大雄 |
||
|
之前寫了幾篇大雄的話，都在寫整榚點，再加上農曆年那篇一放就成個月，於是收到很多投訴，又話發霉，又話out，又肥膩。家下相隔一星期，又update喇，唔知邊位網站CEO仲未update過呢？ 食就膩喇，今次講d睇o既又如何。 在新居已住了兩年多，一直有種些少植物點綴下和當風水植物來放。之前種過從富良野富田農場買回來的薰衣草種子、日本城買回來的罐裝怕羞草、花墟買回來的香蔥種子等都失敗收場。而略為成功而又印象深刻的，算是04年蜜月假期從新千歲機場買回來的罐裝鈴蘭，長出了5枝莖，還有兩棵小花，好正！那兩棵小花後來還被整成乾花保存至今。 剛過去的星期六，又在花墟買了兩盆植物，一盆是鈴蘭(已種了出來的)，盛惠30蚊；另一盆是薄荷，只需8蚊。回家再數一數，家中原來已有11盆小植物和放在飯枱點綴的一花樽鮮花。 而家就為大家介紹一下，上圖從左上角起，第一盆是當成風水擺設的金雀利，高高在上的放在飾物櫃頂；中間是兩盆放在客廳窗台邊的文竹和芒草；下面是放在貓骨的龜龜花盆的金元寶，去年年底還是得幾棵小葉，近月快速成長為大大塊葉，好茂盛。 到第二行上圖，從惠康買回來的水栽小草，特色在於生在紮成龜型土包上；跟住係新買的鈴蘭；最下是4棵從種子種出來的羅勒。 到第三行，點解同前一張一樣，細心d留意左下角，哈！有兩小盆的東東，查實是過期要丟的綠豆，手痕執了一小堆，放在加了棉花的膠兜內種出來，小學生的玩意呢；中間又是龜型的花盆，今次是枝葉豐盛的紅掌；最下的由3至4吋長長到有起碼2呎高的4棵富貴竹。 最右上角的，是從花墟買來的粉紅色菊花，插在飯枱的花樽內；右下是羅勒的大特寫，雖然很大塊的葉和很有香味，但不捨得將它專登摘黎做沙律，正如禽流感要殺雞一樣，自己養的，難下手。
o拿，咪話我剩係整榚種花，查實我依舊常常有一團火架，係咪攪野呀？比d idea黎喇！
大雄 |
||
|
事隔多年，正月十五日(12.02.2006)一個不太風和日麗的星期日，和一班網友們一起去 了趟"南丫島新春行大運"。 在榕樹灣下船行到去模達灣，沒有一點從前郊遊的感覺，到處是食的地方，在地產舖外張貼的出租廣告，租金比市區還要貴。雖說沒有感覺，但人工化了的路徑，好輕鬆就可以行完全程，唯一遺憾是諗住去參觀一下新的風力發電機裝置，不知確實地點 的情況下而錯過了。最後只能在到香港仔的街渡船上遙遙張望再拍個照。 左列的相片就是當日各團友吃進肚子裡的美食！ 新年過後的日子，突然忙了一段日子，本來去完南丫島回來的那一星期就想寫個網頁，又想過嘗試每天寫一篇「正在閱讀中」，但忙碌工作後，結果是甚麼都不想做，除了食和打機。不過有時d野係 逼出來的，果班半個月無update網頁但來逼迫接近一個月無update的我，你地好野，update咪update囉，家陣輪設到你地喇喂！ 趁update，寫多點東西充撐一下位置先： (1) 中學母校金文泰中學80周年校慶，那位是師兄師姐師弟師妹的網友，不妨給我在此打個招呼，如想參加4月8日的校慶大典，請參考金文泰中學校友會網頁； (2) 中學師兄阿輝於2月12日添丁，祝囝囝健康快樂，早日同佢爸爸打機上網； (3) 中學師姐一打剛在現實與虛擬兩方面都搬家了，在此謹祝喬遷之喜； (4) 見網友泰利揍仔辛苦(左佢太太)，本想外遊又因要做"豬乸"(行內述語，絕 無貶意)而要取消行程，唯有預祝佢抽極都抽唔中佢，可以早日甩身去補返次旅行； (5) 懶得出汁，剛醒起之下，加上幾個友好的部落，何故、杏子、pace和supageti的部落連結； (6) 仲有呢，祝「香港動漫研究所」成立..... (雖然唔關我事 : p )
大雄 關於「南丫島新春行大運」，可參閱小妹私房網的yoshikomui's blog的「南丫島新春行大運」
|
||
|
呢頭恭喜完各位有個快樂的2006年，轉頭又到農曆新年，係時候祝大家狗年萬事勝意，心想事成！ 農曆新年少不免又係食食食，不過由於近日多野攪作好鬼忙，所以傳統的如糖蓮子、陸金記的瓜子，甚至去花園街買開心果之類的賀年食品都全部欠奉。因為得果幾日紅日假期，自己都四圍去左拜年，屋企變成成日無人，於是無人上黎拜年的情況下，卒之買左d野食一係放到過哂期要丟左去，一係就質左入自己個口消化左佢，幾浪費下。於是乎今年都係歸於平淡，係咁意執下屋，訓多兩覺，打多陣機，齊齊整整過返個袋袋平安的新年。 不過，近兩年都有睇住食譜自己蒸個年榚，雖則未能成為送禮自用的「商品化」，但點都係一舊糯米粉整成的榚，食得入口o既！由於已經累積左d經驗，先兩日整左兩底椰汁年榚，材料有糯米粉、片糖、代糖、椰漿和水，另需要錫紙兜(上海街賣得比超市平)，橄欖油(用黎抹錫兜的)，仲有都唔平的煤氣費(蒸榚要蒸成個幾鐘)。最後，好唔好食之餘唔緊要，人體鍊成繼續進行，肚腩繼續膨脹起來，步步高陞！(唔使用賢者之石架，年榚就得喇！)
大雄 |
||
|
「2006年1月15日」係我揼網的第八個年頭，第一次寫網頁放到網上，係1997年1月15日放到當時網上痕的戶口空間的一個網頁，網址好像是http://home.netvigator.com/~chleung(都唔記得清喇！)，不過己成為歷史。當時亦無好好記錄低第一個網係咩模樣，而家仲可以係電腦度搵返的，最舊係1998年3月的一個版面，可惜當時用netscape navigator寫，d字用IE係睇唔返，另一個仲可以搵到的係2000年3月的另一個版面，大家睇睇同而家果d有咩分別？又或者有幾多個你係已經睇過？ 應同事N君的要求，寫寫公司的八卦事！2006年第一單就係明明老死話佢3號放假，點知返左工的事件；第二單就係就「蝦你移動"啖"堡」"事件，06年第一日返工，當日除左老死，仲有B和W係度起勢咳，後兩者係佢地個窿度咳最多聽到聲，但前者唔知點解剛好多野整，係公司行到邊都遇到佢係度咳，成個"Shrimp You Coughing Castle"四圍行....另外再講多一單就係公司最近因多部電腦保養到期而打算更換部份電腦事件，我雖唔係IT人，都算對電腦有點認識，但對於公司換d唔換d(不過又好民主咁個別問人使唔使換)，但如是只著眼於買機和保養價錢的問題，未全面認識商用電腦的實際需要，一整批電腦的管理、更換、保養、re-sell和稅務等的問題，仲有網絡資源的長遠使用等問題，慳唔到公司錢之餘又浪費電腦管理的資源，建議佢地應該去讀下辦公室電腦的管理課程。 講完公司，講下朋友，中學同學"史丹利"的爸爸早前因病離世，希望佢一家節哀順變；而另一中學同學"Cowman"剛於昨日添了個7.1磅重的"Cowboy"，祝BB聽教聽話。 到我自己喇，就講講有關近日幾鍾意睇的動畫「鋼之鍊金術師」的「人體鍊成」問題。要「人體鍊成」，就要係兩日之內，準備材料，例如粘米粉、糯米粉、鷹粟粉、片蔗糖、紅豆、油、水等等...首先用1.粘米粉+鷹粟粉+片蔗糖、水、紅豆鍊成下圖左面的東西；2.糯米粉+片蔗糖+水+紅豆鍊成下圖中間的東西；3.糯米粉+紅豆鍊成下圖右面的東西，最後...
就可以鍊成一個「肚腩」喇！哈哈！...
大雄 |
||
|
2006年囉！真係好快、好快又一年。先黎回顧2005年，共外遊三次，5月去了日本的東北、9月去了台北，仲有次近近地11月和中學同學們去左2日1夜的澳門，每一次都好滿足。除此以外，空閒加上返工放工就係繼續睇書、睇書再睇書，今年前前後後文字加漫畫，斷估買左兼睇左30-40本以上，所以"只今、閱讀中"仲有大把貨，想寫都寫唔切。 總括黎講，剛過去的一年話差又唔係差，話好又唔算好好，銀行加息幾次，供樓果筆加左一截，當中利息同本金又越黎越差距大，果筆錢夠去幾次旅行囉。不過，點都算係安安穩穩又一年。而友儕當中，2005年有好多個剛新為人父/母，不過就仲有d未搵到另一半，呢班朋友仔請加油喇！ 話說剛過去的boxing day和網友們去了大嶼山，係大澳仲坐船出海睇中華白海豚，當日好大煙霞。據船家講，好天時前方可以望到珠海，係海度好彩就會見到白海豚。卒之不負所望，見到兩條白海豚係水面穿插左幾次，認真值回票價呢！ 希望各位係今年好似當日出海咁，就算前景麻麻，總會找到點驚喜；只要往前走，後面仲有大把風光；只要細意觀賞，總會睇到我影到一個角仔o既海豚背鰭架！哈！新年快樂！
大雄 |
作為旅人，去旅行訂酒店，是旅行的中的"must"之一。但當人要去作"人生的旅行"時，又有多少個旅人會有選酒店，選package的可能呢？看過電影《常在我心》(陳奕迅、蔡卓研主演，2001年)，戲中阿Sa這個患有絕症的富家女，就是那種為自己的葬禮作出安排的"旅人"。早前某機構組織活動，就是帶著一班公公婆婆去看長生木、看壽衣的款式等等，某程度上是一個破格的活動，但中國人傳統，從前就已是有生之年買定副棺木回來(正如現代人買個長生位一樣吧！)，然後逐年替它掃上漆油，越是掃得厚油，就越是有福。所以，只要不是"意外"地逼著去"旅行"，我絕對會如計劃旅遊行程一樣，為自己的"人生旅行"好好地計劃一番。
差不多又變成月記了，又係時候係度寫寫o野。
旅行回來已兩星期，四散在家的背囊、手信、紀念品、旅行書等等都大致上歸位或處理妥當，那份掛念當日還未到期的JR
PASS心情，亦隨著佢已經過左期已淡化。數以千計的snapshot旅行相亦在精選當中，以便遲下攪聚會或小聚時給網友們看，遊記的完整版亦準備開始製作，雖然詳細內容未寫，但基於速報版已經完成，相信寫起完整版上來，應該不致爛尾太久。(但就仲掛住玩日版大富翁，梅田銀座最貴的兩幅地，要買買買！起樓收租賺大錢！哈哈！)
而家最能夠做的，只有回公司吃著OK的腿蛋包，加樽印有中文字的寶鑛力，睇住JR東海那個4月份的月曆開工吧！
想了想，從舊居帶來的了《阿信的故事》小說版本就放在床下底，順手拿來，還有本《早乙老師》(博益出版/1988，電視版1987年於日本播出，共演的有若村麻由美和渡邊徹)，80年代的日劇熱潮，究竟還有多少齣呢？片名多已記不起。從《早乙老師》小說中的一篇「談談NHK長篇劇集的女主角」中，也有提及《阿信》的小林綾子(小時的阿信，劇中還有成年阿信的田中裕子，中年至老年的乙羽信子，還記得小時阿信遇上的中村雅俊)和《海誓山盟》的澤口靖子，還有提及齊藤由貴(那齣好像是叫《跳駒》？日文片名反而找到，是1986年的《HANE駒》，共演的還有澤田研二和渡邊謙。就這幾齣日劇來說，時代背景都集中在20世紀初，如《阿信》就經歷了1923年的關東大地震和二次大戰，《早乙老師》就是二次大戰期間，都是些非戰的日本人所經歷的苦難日子。
題外話：早幾日拜山過後，到二嬸的街市檔口聊聊。那裡已是新模式的雞檔，人雞分隔，選雞要隔著大片落地玻璃(其他街市多是掛兩片膠板隔著雞籠)，半點雞味都嗅不到，選好了就拿到另一個房內劏。劏好了再傳到第三個位置拿給買雞的那個師奶。剛好政府打算中央屠宰，過多兩年，要見活雞也難，於是順手拿相機留個記錄！未來，要見活雞，可能要好似近日新聞報導說日本新的節省空間掃墓方式，就是拿個記憶卡放到機器裡，屏幕就會顯示出先人的影像，就此拜山是也！
很久沒到過南丫島了，上一次也許是約20年前的中學時代和一班同學十多廿人聖誕
假期到榕樹下露營。印象深刻因當日天氣報告說氣溫只有7度，身處離島的海灘，想也不用想，7度的平安夜，是多麼多麼的....凍！
